स्वास्थ्यकर्मीको चरित्र हत्या गरेको आरोपमा एकजना पक्राउ
ट्रिब्यून न्युज
वीरगन्ज, १९ जेठ । सामाजिक सञ्जाल तथा विभिन्न माध्यमको प्रयोग गरि स्वास्थ्यकर्मीको चरित्र हत्या गरेको आरोपमा एकजनालाई प्रहरीले पक्राउ गरेको छ । प्रहरीले वीरगञ्ज महानगरपालिका वडा नं.–१० घडिअर्वा बस्ने आफूलाई सञ्चारकर्मी तथा समाजिक
अभियन्ता भएर वाई ओ बी नामको फेसबुक ग्रुपपेज चलाउने बर्ष २४ का सौरभ साहलाई मंगलबार वीरगन्ज महानगरपालिका वडा नम्बर ८ बाट नियन्त्रणमा नियन्त्रणमा लिएको हो ।
बीरगञ्ज नगरक्षेत्रमा रहेका विभिन्न अस्पताल, कार्यरत चिकित्सक तथा स्वास्थ्यकर्मीहरूमाथि आफ्नो फेसबुक पेज तथा फेसबुक मेसेन्जर समेतबाट पटक–पटक आपत्तिजनक शब्दहरूको प्रयोग गरी अनर्गल आरोप लगाई व्यक्तिको चरित्रहत्या गर्ने, धम्क्याउने लगायतका कानूनविपरीत क्रियाकलाप गरेको पीडितले दिएको जाहेरी दरखास्तको आधारमा पक्राउ गरिएको जिल्ला प्रहरी कार्यालय पर्साले जनाएको छ ।
पक्राउ परेका साहलाई मुलुकी अपराध संहिता, २०७४ अन्तर्गत सार्वजनिक हित, स्वास्थ्य, सुरक्षा, सुविधा र नैतिकताबिरूद्धको कसूरमा मंगलबार नै ५ दिन म्याद थप गरी अनुसन्धान भइरहेको जिल्ला प्रहरी कार्यालय पर्साले जनाएको छ ।
