सशस्त्र प्रहरीद्वारा गाँजा सहित एकजना पक्राउ
ट्रिब्यून न्युज
कृष्णमोहन साह
वीरगन्ज, ३ असार । पर्साको जिराभवानी गाउँपालिकाबाट सशस्त्र प्रहरीले लागू औसध गाँजा सहित एकजनालाई पक्राउ गरेको छ । सशस्त्र प्रहरी बोर्डर आउट पोष्ट जिराभवानीबाट सशस्त्र प्रहरी निरीक्षक शम्भु ढुङ्गेलको नेतृत्वमा खटिएको सशस्त्र प्रहरीको गस्ती टोलीले भारतीय नागरिक ५५ वर्षका मजिद मियाँलाई एक किलो लागू औषध गाँजा सहित पक्राउ गरेको हो ।
भारत बिहार पश्चिमी चम्पारण भवटा पन्चायत गोपालपुर बस्ने उनलाई बि आर २२ एपी ७८३५ नम्बरको मोटरसाइकलमा भारत जाँदै गर्दा जिराभवानी गाउँपालिका वडा नम्बर–३ परसवा चौकमा नियमित चेकजाँच गर्ने क्रममा पक्राउ गरेको सशस्त्र प्रहरीले जनाएको छ ।
मियाँलाई उनले चलाएको मोटरसाइकल र बरामद भएको गाँजा सहित आवश्यक कारवाहीको लागि ईलाका प्रहरी कार्यालय सेंढवामा पठाइएको सशस्त्र प्रहरी बल प्रस्तावित गुल्म भिखमपुरका सशस्त्र प्रहरी नायब उपरीक्षक प्रमोद खड्काले जानकारी दिनुभयो ।
