आज दुईघण्टा बिजुली काटिने
ट्रिब्यून न्युज
0
58
वीरगन्ज, १३ भदौ । आज दुईघण्टा विजुलीको लाईन काटिने भएको छ । नेपाल विद्युत प्राधिकरणको गण्डक फिडर क्षेत्रमा आज विद्युत अवरुद्ध हुने भएको छ ।
परवानीपुर ग्रिडबाट प्रशारण भएको गण्डक फिडर क्षेत्रहरुमा ११ केभी प्रसारण लाईन बन्द हुने भएको हो । डिस्कनेक्टिङ स्वीच जडान तथा लाईन सुधार गर्नुपर्ने भएकोले आज बिहान ११ बजेदेखि दिउँसो १ बजेसम्म विद्युत आपूर्ति बन्द हुने नेपाल विद्युत प्राधिकरण वीरगन्ज वितरण केन्द्रका प्रमुख इञ्जिनियर अवधेस कुमार दुवेले जानकारी दिनुभयो ।
त्यस्तै कृषि फिडर क्षेत्रहरुमा दिउँसो १ बजेदेखि ३ बजेसम्म विद्युत लाईन बन्द रहने उहाँले बताउनुभयो । तोकिएको समय भन्दा अगाडि कार्य सम्पन्न भएमा लाईन सूचारु हुनेपनि जनाएको छ ।
