पर्सामा जेठ ६ गतेसम्म निषेधाज्ञा थप गर्ने निर्णय
डीसीसीएसीको सिफारिसमा प्रमुख जिल्ला अधिकारीले जेठ ६ गतेसम्मका लागि निषेधाज्ञा जारी रहने आदेश गर्नेछ । बैशाख १६ गतेदेखि लागू गरिएको निषेधाज्ञा पहिलोपटक थप गरेर बैशाख ३० गते मध्यराति १२ बजेसम्म लम्ब्याईएको थियो । यसैगरी बैठकले नारायणी अस्पतालको प्रयोगशालामा भईरहेको पीसीआर परीक्षणलाई २४ सै घण्टा जारी राख्ने र त्यसको लागि सुज्मजीव विज्ञ सहित तीनजना थप जनशक्तिको व्यावस्था गर्ने र उनीहरुको पारिश्रमिक जिल्ला कोभिड संकट व्यावस्थापन केन्द्रले गर्ने निर्णय गरेको छ ।
ट्रिब्यून न्युज
वीरगन्ज, २९ बैशाख । दोश्रो लहरको कोरोना भाईरस संक्रमण नियन्त्रण र रोकथामका लागि पर्सामा जारी गरिएको निषेधाज्ञा जेठ ६ गतेसम्म थप हुने भएको छ । जिल्ला कोभिड संकट व्यावस्थापन केन्द्र पर्साको बुधबार बसेको बैठकले जारी निषेधाज्ञा जेठ ६ गतेसम्म थप्न सिफारिस गर्ने निर्णय गरेको छ ।
डीसीसीएसीको सिफारिसमा प्रमुख जिल्ला अधिकारीले जेठ ६ गतेसम्मका लागि निषेधाज्ञा जारी रहने आदेश गर्नेछ । बैशाख १६ गतेदेखि लागू गरिएको निषेधाज्ञा पहिलोपटक थप गरेर बैशाख ३० गते मध्यराति १२ बजेसम्म लम्ब्याईएको थियो । यसैगरी बैठकले नारायणी अस्पतालको प्रयोगशालामा भईरहेको पीसीआर परीक्षणलाई २४ सै घण्टा जारी राख्ने र त्यसको लागि सुज्मजीव विज्ञ सहित तीनजना थप जनशक्तिको व्यावस्था गर्ने र उनीहरुको पारिश्रमिक जिल्ला कोभिड संकट व्यावस्थापन केन्द्रले गर्ने उपलब्ध गराउने निर्णय गरेको छ ।
मन्त्रिपरिषद्को बैशाख १३ गतेको निर्णयको बुदाँ नं ८ मा उल्लेख भए अनुसार बीरगंज स्थल सीमा नाका हुँदै भारतबाट आउने नेपाली नागरिकको स्वास्थ्य चेकजाँच लगायत कार्यको लागि करिब एक हजार क्षमताको होलडिङ्ग सेन्टर बनाउने प्रयोजनको लागि सीमा नाका नजिकै बीरगंज भन्सार कार्यालयको स्वामित्वमा रहेको भन्सार गोदाम पश्चिमको करिब साढे २ बिगहा सरकारी जग्गा उपयुक्त देखिएकोले होल्डिङ्ग सेन्टर निर्माणार्थ सोही जग्गालाई गृह मन्त्रालयमा सिफारिस गरी पठाउने निर्णय पनि गरेको छ ।
कोभिड–१९ को बढ्दो संक्रमणलाई ध्यानमा राखी मुस्लीम धर्मावलम्बीहरुको महान चाड ईदको अवसरमा सबै सर्वसाधारणलाई मस्जिद, बजार जस्ता ठाउँमा भिडभाड नगरी स्वास्थ्य सुरक्षा मापदण्डको पूर्ण पालना गर्दै आआफ्नो घरमा चाँडपर्व पूर्ण सजगताका साथ मनाउन अनुरोध गर्ने निर्णय गरेको छ ।
