घडिअर्वामा आयोजित कार्यक्रममा दुई महिला सहित ५७ जनाद्वारा रक्तदान
ट्रिब्यून न्युज
वीरगन्ज, १ मंसिर । छठपर्वको अवसरमा घडिअर्वा छठ पूजा व्यावस्थापन समितिले आज रक्तदान कार्यक्रमको आयोजना गरेको छ । घडिअर्वा पोखरी परिसरमा बिहान सातबजेदेखि शुरु भएको रक्तदान कार्यक्रममा अहिलेसम्म दुई महिला सहित ५७ जनाले रक्तदान गरेका छन् ।
रक्तदान अहिले जारी रहेको छ । रक्तदान गर्नेहरु प्रभाकर गुप्ता, राजेश सिंह, सुरज साह सोनार, मनोहर साह कानु, सुशिल कुमार कानु, संतोष साह कानु, लखन कुमार गुप्ता, रोहित कुमार बर्णवाल, ओमप्रकाश गुप्ता, किशोरी साह कानु लगायत रहेका छन् ।
घडिअर्वा छठ पूजा व्यावस्थापन समिति तथा घडिअर्वा स्पोर्ट्स क्लबका अध्यक्ष लखन कुमार गुप्ताको अध्यक्षतामा भएको कार्यक्रममा वडा नम्बर १० का वडा अध्यक्ष सुशील साह कानु, समाजवादी विद्यार्थी युनियनका सचिव निखिल वर्णवाल, व्यवस्थित वीरगन्ज अभियानका संयोजक दिलिपराज कार्की लगायतको उपस्थिति रहेको समितिका सचिव प्रभाकर गुप्ताले जानकारी दिनुभयो ।
छठपूजाको विशेष जानकारीका लागि आज दिउँसो साढे २ बजे पत्रकार सम्मेलनको आयोजना गरिने पनि सचिव गुप्ताले बताउनुभयो ।
