नेपाल रेडक्रस सोसाईटी पर्सा शाखाको सभापतिमा पुनःकडेँल विजयी
ट्रिब्यून न्युज
वीरगन्ज, १७ पुस । नेपाल रेडक्रस सोसाईटी पर्सा शाखाको सभापतिमा विरेन्द्रराज कडेल निर्वाचित हुनुभएको छ । हिजो भएको निर्वाचनको मत परिणाम अनुसार विरेन्द्रराज कडेलले ७८ मत ल्याएर विजयी हुनु भएको हो ।
उहाँको प्रतिद्वन्दी वृजकिशोर पटेलले ४५ मत ल्याउनु भएको छ । कूल १२६ मत मध्य २ मत बदर भएको थियो । यस्तै मन्त्रीमा शैलेन्द्र कुमार चौरसिया ९१ मत ल्याएर विजयी हुनुभएको छ । उहाँको प्रतिद्वन्दी अञ्जु श्रेष्ठले ४० मत ल्याउनु भएको छ ।
उपकोषाध्यक्ष पदमा दया शंकर सिंह राजपुत ८८ मत ल्याएर विजयी हुनुभएको छ । त्यसैगरी महिला सदस्यहरुमा विना कुमारी चौंलागाई ९५, विद्याकुमारी श्रेष्ठ ९१, बविता कुमारी कानु ९३ मत ल्याएर विजयी हुनुभएको छ ।
खुला सदस्यहरुमा विनोद गिरी, ९२, मदन प्रसाद गुप्ता, ९७, जितेन्द्र कुमार वर्मा ९३, राजेश्वर प्रसाद चौरसिया ९५, दिनानाथ रौनियार ९६ काशी प्रसाद साह तेली ८८ र नवनित अग्रवाल ८७ मत ल्याएर सदस्यमा विजयी हुनुभएको छ ।
यस अघि उपसभापतिमा मधु राणा र उपमन्त्रीमा साविर अहमद एराज निर्विरोध निर्वाचित हुनुभएको थियो ।
