वीरगन्ज कपडा बैंकद्वारा विपन्न गरिबलाई कपडा वितरण
ट्रिब्यून न्युज
0
14
वीरगन्ज, १ मंसिर । कपडा बैंक वीरगन्जले हिजो कपडा वितरण गरेको छ । वीरगन्जको घण्टाघरमा कपडा बैंकले विभिन्न व्यक्तिहरुबाट प्राप्त गरेको नयाँ र पूराना कपडाहरु विपन्न गरिबहरुलाई वितरण गरेको हो ।
कपडा बैंकामा जम्मा गरिएका झण्डै एकहजार थान कपडा विपन्न परिवारका सदस्यहरुलाई वितरण गरिएको कपडा बैंकका अध्यक्ष लालबाबु सिंहले जानकारी दिनुभयो ।
सिंहकै अध्यक्षतामा भएको कपडा वितरण कार्यक्रममा जसपाका केन्द्रीय सदस्य अधिवक्ता सुरेन्द्र कुर्मी, नेपाली कांग्रेसका नेता हुकुम सिंह, रम्भा मिश्रा, जनमत पार्टीका पर्सा अध्यक्ष ओमप्रकाश सर्राफ लगायतको उपस्थिति रहेको थियो ।
