पिक्निक मनाएर फर्किएको बस दुर्घटना हुँदा एकजनाको मृत्यु
ट्रिब्यून न्युज
0
48
वीरगन्ज, १२ कार्तिक । बाराको सिमरामा शनिबारराति यात्रुवाहक बस दुर्घटना हुँदा एकजनाको मृत्यु भएको छ । चितवनको जलबिरे झरनाबाट पिक्निक मनाएर बिरगंज तर्फ फर्किदै गरेको ना ७ ख ४७४९ नम्बरको यात्रुबाहक बस अनियन्त्रित भई सिमरा स्थित राष्ट्रिय बाणिज्य बैंकको भवन अनियंत्रित भएर ठोक्किदा एकजनाको मृत्यु भएको हो ।
मृत्यु हुनेको सनाखत हुन सकेको छैन । ५१ जना यात्रु सवार रहेको बसका ४० जना यात्रु सामान्य घाईते भएका छन् । दुर्घटनामा परी १० जना मध्यम घाईते भएका छन् । मध्यम घाईते दशजना मध्य एकजनाको अवस्था गम्भीर रहेको इलाका प्रहरी कार्यालय सिमराले जनाएको छ ।
बस अनियन्त्रित भएर दुर्घटना भएको प्रहरीको प्रारम्भिक अनुमान छ । तर, बसका चालकले मदिरा सेवन गरेर पनि दुर्घटना भएको हुन सक्ने देखिएको छ । बसका चालक भने फरार रहेको इलाका प्रहरी कार्यालय सिमराले जनाएको छ ।
