बाराको सिम्रौनगढबाट हतियार सहित दुईजना पक्राउ
ट्रिब्यून न्युज
वीरगन्ज । बाराको सिम्रौनगढबाट सशस्त्र प्रहरीले हतियार सहित दुईजनालाई पक्राउ गरेको छ । सशस्त्र प्रहरी बल नेपाल नम्बर २ बाहिनी छिन्नमस्ताको स्क्वाड टोली, बोर्ड आउट पोष्ट सिम्रौनगढ र झरोखरको संयुक्त टोलीले बाराकोे
सिम्रौनगढ नगरपालिका वडा नम्बर-९ बसबरियादेखि कचोर्वा जाने सडकमा बिआर ०१ सी १ ३१६१ नम्बरको भारतीय मोटरसाईकलमा सवार दुईजनालाई चेकजाँच गर्ने क्रममा हतियार सहित दुईजनालाई पक्राउ गरेको हो ।
पक्राउ पर्नेमा भारतको मोतिहारी जिल्ला कुस्वाहा लौखात पूर्वी चम्पारणका २३ बर्षीय पप्पु यादव र पूर्वी चम्पारणकै मेलवा बजारका २२ बर्षीय अखिलेस प्रसाद सिंह रहेको सशस्त्र प्रहरी नायव महानिरीक्षक (डीआईजी) गणेश ठाडा मगरले जानकारी दिनुभयो ।
उनीहरुको साथबाट चईनिज पेस्तोल १ थान सो मा लाग्ने २ राउण्ड गोली र म्यागेजिन १ थान, कटुवा पेस्तोल एकथान, त्यसमा लोड गरिएको २ थान गोली बरामद गरेको प्रहरी नायव महानिरीक्षक ठाडामगरले बताउनुभयो ।
उनीहरुको साथबाट बरामद गरिएको हतियार र मोटरसाईक सहित उनीहरुलाई आवश्यक कारवाहीको लागि इलाका प्रहरी कार्यालय सिम्रौनगढलाई बुझाईएको सशस्त्र प्रहरी नायव महानिरीक्षक (डीआईजी) ठाडा मगरले बताउनुभयो ।
