पर्साको टिहुँकी नाकाबाट मिठा र गहुँ सहित ट्याक्टर र टेलर प्रहरीको नियन्त्रणमा (अपडेट)
ट्रिब्यून न्युज
वीरगन्ज, २१ मंसिर । पर्साको टिहुँकी नाकाबाट पर्सा प्रहरीले सख्खर र गहुँ लोड गरेको तीन वटा टेलर सहितट्याक्टर नियन्त्रणमा लिएको छ । भारतबाट खरिद गरी भन्सार छलेर ल्याउदै गरेको ना २ त ४०३६ नम्बरको ट्पाक्टर पर्साको छिपहरमाई गाउँपालिका वडा नम्बर २ टिहुँकीमा नियन्त्रणमा लिएको जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेतले जानकारी दिनुभयो ।
प्रहरीले नियन्त्रणमा लिएको ट्याक्टरको टेलरमा अन्दाजी ८० क्वीण्टल मिठा बरामद भएको प्रहरी उपरीक्षक बस्नेतले बताउनुभयो । त्यससँगै दुईवटा गहुँ लोड गरेको टेलर पनि प्रहरीले बरामद गरेको छ । गहुँको परिणाम अन्दाजी २३० क्वीण्टल रहेको प्रहरी उपरीक्षक बस्नेतले बताउनुभयो ।
अवैध रुपमा नेपाल भित्र्याएको सूचनाको आधारमा खटिएको प्रहरी टोलीले मिठा र गहुँ लोड गरेको ट्याक्टर नियन्त्रणमा लिएर पोखरियामा राखेर आवश्यक अनुसन्धान गरी आवश्यक कारवाहीको लागि भन्सार कार्यालयमा बुझाउने तयारी भईरहेको प्रहरी उपरीक्षक बस्नेतले बताउनुभयो ।
