पर्सा रेडक्रसको ५९ औं स्थापना दिवसमा आयोजित कार्यक्रममा १९ जनाद्वारा रक्तदान
ट्रिब्यून न्युज
वीरगन्ज, २१ मंसिर । नेपाल रेडक्रस सोसाईटी पर्सा शाखाको स्थापना दिवसको अवसरमा रक्तदान कार्यक्रमको आयोजना गरिएको छ ।
रेडक्रस सोसाईटी पर्साको ५९ औं स्थापना दिवसको अवसरमा आयोजित रक्तदानमा ३ महिला सहित १९ जनाले रक्तदान गरेका छन् । रक्तदान गर्नेहरुमा लक्ष्मी चौधरी, रानी कुमारी कलवार, रानी गुप्ता, शिवनाथ यादव, शैलेन्द्र चौरसिया, शीर्षक रिमाल, नितेश बस्नेत, दुर्गानन्द साह, रमपुकार मण्डल लगायत रहेका छन् ।
रेडक्रस सोसाईटी पर्सा शाखाका सभापति विरेन्द्रराज कडेँलको अध्यक्षतामा भएको स्थापना दिवसको रेडक्रसोसाईटी मधेस प्रदेशका अध्यक्ष फूलमहम्मद मियाँले उदघाटन गर्नुभएको थियो ।
कार्यक्रममा उपसभापति मधु राणा, मन्त्री शैलेन्द्र चौरसिया, कोषाध्यक्ष महन्थ यादव, बीर सम्शेर कुर्मी, लक्ष्मी नारायण, रक्तसञ्चारका प्राविधिक प्रमुख शौरभराज पाण्डे, डिल्लीमाया घिमिरे, धिरेन्द्र झा लगायतको उपस्थिति रहेको थियो ।
