थारु एक्सप्रेस डटकमको प्रथम बार्षिकोत्सव सम्पन्न
ट्रिब्यून न्युज
वीरगन्ज, ७ साउन । थारु एक्सप्रेस डटकम अनलाईनको प्रथम बार्षिकोत्सव सम्पन्न भएको छ । थारु पत्रकार संघले सञ्चालनमा ल्याएको अनलाईन न्युज पोर्टल थारु एक्सप्रेस डटकम एकबर्ष पूरा भई दोश्रो बर्षमा प्रवेश गरेको अवसरमा हिजो बार्षिकोत्सव मनाईएको हो । थारु छात्रावासमा आयोजना गरिएको कार्यक्रमको प्रमुख अतिथि नेपाली कांग्रेसका नेता एवं पूर्व मन्त्री सुरेन्द्र प्रसाद चौधरीले उदघाटन गर्नुभएको थियो ।
कार्यक्रममा प्रमुख अतिथि सुरेन्द्र प्रसाद चौधरीले अहिले सूचना प्रविधिको युगमा युवाहरुलाई धेरै अवसरहरु रहेको भन्दै यसको सही सदुपयोग गरेर अगाडि बढ्नुपर्ने बताउनुभयो । उहाँले कुनैपनि कामको एउटा समय हुने र समयमा त्यसलाई सदुपयोग गर्न नसकिए पछि पर्ने बताउदै अहिलेको सूचना प्रविधिको युगमा पनि समय सापेक्ष आफूलाई परिवर्तन गर्न नसकिए पछि पर्ने बताउनुभयो ।
त्यस्तै थारु एक्सप्रेस डटकमले विभिन्न विषयको उठान गरी समाजमा सकारात्मक परिवर्तन ल्याउन भूमिका खेल्नुपर्ने .वक्ताहरुले बताएका थिए । थारु पत्रकार संघ पर्साका अध्यक्ष शम्भु महतो थारुको अध्यक्षतामा भएको कार्यक्रममा संविधानसभा सदस्य जयप्रकाश थारु, थारु कल्याणकारीणी सभाका केन्द्रीय सदस्य वृजमोहन थारु, नेपाल आदिवासी जनजाति पत्रकार महासंघ (फोनिज) मधेस प्रदेशका इञ्चार्ज निरज पिठाकोटे मगर,
अध्यक्ष दुष्यन्त चौधरी, पटेर्वा सुगौली गाउँपालिकाका अध्यक्ष दिनेश चौधरी, उपाध्यक्ष ममता महतो थारु, वीरगन्ज कलेजका प्रोफेसर राजेश्वर चौधरी लगायतले मन्तव्य राखेका थिए । एञ्जल चौधरी र पुनम चौधरीले सञ्चालन गरेको कार्यक्रममा स्वागत निलम चौधरीले गर्नुभएको थियो ।
