त्रीदेशीय क्रिकेटमा नेपालको ऐतिहासिक जित
ट्रिब्यून न्युज
0
9
वैशाख, ११ काठमाडौं । नेपालले नेदरल्याण्ड्सलाई १४२ रनले पराजित गर्दै त्रिकोणात्मक टी–२० सिरिजको उपाधि जितेको छ । कुशल भुर्तेलसँगै कुशल मल्ल र उपकप्तान दिपेन्द्र सिंह ऐरीको शानदार ब्याटिङ मद्दतमा नेपालले २३८ रनको कीर्तिमानी स्कोर खडा गरेको गरेको थियो ।
जवाफमा नेदरल्याण्ड्सले १७।२ ओभरमा सबै विकेट गुमाएर ९६ रन मात्र बनाउन सक्यो । ब्याटिङ र बलिङ दुवैमा उत्कृष्ट प्रदर्शन गरेको नेपालले नेदरल्याण्ड्समाथि हात पारेको १४२ रनको जित टी–२० अन्तराष्ट्रिय नेपालको कीर्तिमानी जित हो ।
साथै नेपालले घरेलु मैदानमा ११ वर्षपछि पहिलो उपाधि जितेको हो । यसअघि सन् २०१० मा नेपालमै भएको आईसीसी डिभिजन फाइभको उपाधि नेपालले जितेको थियो ।
यसअघि नेपालले १३औं सागमा भुटानलाई १४१ रनले पराजित गरेको थियो ।
