स्व.दिपेश नक–आउट टी–२० टुर्नामेन्ट आयोजना हुने
ट्रिब्यून न्युज
वीरगन्ज, १९ माघ । बाराको परवानीपुरमा स्व.दिपेश नक–आउट टी–२० क्रिकेट प्रतियोगिताको आयोजना हुने भएको छ । परवानीपुर गाउँपालिका र प्रसौनी गाउँपालिकाबीच स्व.दिपेश नक–आउट टी–२० क्रिकेट प्रतियोगिता आयोजना हुने आयोजक रामप्रवेश गुप्ताले बताउनुभयो।
स्व. दिपेश रामप्रवेश गुप्ताको कान्छा छोरा हुन् । स्वर्गीय छोरा दिपेश क्रिकेट खेलप्रति रुची राख्ने गरेकोले उनकै सम्झनामा नक–आउट टी–२० क्रिकेट प्रतियोगिता आयोजना गर्न लागिएको गुप्ताले बताउनुभयो । प्रतियोगिता माघ २१ गते शुक्रबार विहान ७ः०० बजे शुरु भई शनिबार सम्पन्न हुने छ ।
प्रतियोगितामा परवानीपुरका २ र प्रसौनी गाउँपालिकाका २ गरी चार टिमको सहभागिता रहने स्थानीय युवा विवेक कुमार गुप्ताले जानकारी दिनुभयो । स्व. दिपेश नक–आउट टी–२० क्रिकेट प्रतियोगितामा पहिलो दिन एकै पालिकाका दुई टिमले खेल्ने छन् ।
विजेता टिमलाई फाइनलमा सभागी गराईने जनाएको छ । स्व. दिपेश नक–आउट टी–२० प्रतियोगिता परवानीपुर गाउँपालिकाका युवा समूहबाट संचालित द वियर्ड सपको प्रयोजनमा हुने शन्भु साह कानुले बताउनुभयो ।
