सेना दिवसको अवसरमा श्रीजंग गण वीरगन्जद्वारा सांस्कृतिक कार्यक्रमको आयोजना
ट्रिब्यून न्युज
0
302
वीरगन्ज, ६ फागुन । नेपाली सेना दिवसको अवसरमा शनिबार वीरगन्जको श्रीपूर स्थित श्रीजंग गणले सांस्कृतिक कार्यक्रमको आयोजना गरेको छ । वीरगन्जको पूराना बसपार्कमा आयोजित कार्यक्रममा नेपाली सेनाका कलाकारहरुले विभिन्न संस्कृति झल्काउने पहिरन सहित नृत्य र गीत प्रस्तुत गरेका थिए ।
नेपाली सेना श्रीजंग गणका गणपति प्रमुख सेनानी डायमण्ड कार्कीको अध्यक्षतामा भएको कार्यक्रममा वीरगन्ज महानगरपालिकाका नगर प्रमुख राजेशमान सिंह, पर्साका प्रमुख जिल्ला अधिकारी हिरालाल रेग्मी पर्साका प्रहरी उपरीक्षक कोमल शाह, सशस्त्र प्रहरी उपरीक्षक सुमन थपलिया लगायतको उपस्थिति रहेको थियो ।
कार्यक्रममा नेपाली सेनाले देश र जनताको लागि गरेका कामहरुको फोटो प्रदर्शनी र वृत्तचित्र पनि देखाईनुका साथै विभिन्न राष्ट्रभक्ति गीत संगीत पनि प्रस्तुत गरिएको थियो ।
