मैत्रीपूर्ण खेलमा वीरगन्ज जेसिज विजयी
ट्रिब्यून न्युज
ट्रिब्यून न्युज
वीरगन्ज, ४ बैशाख । वीरगन्ज जेसिज र होटल तथा पर्यटन व्यवसायी संघबीच आज मैत्रीपूर्ण सेभेन ए साईड पूmटबल प्रतियोगिता सम्पन्न भएको छ । वीरगन्जको आदर्शनगर रंगशालामा आयोजित प्रतियोगितामा वीरगन्ज जेसिज विजयी भएको छ । वीरगन्ज जेसिजले होटल तथा पर्यटन व्यवसायी संघको टिमलाई ७–१ को फराकिलो अन्तरले पराजित गरेको हो ।
विजेता टिमलाई प्रमुख अतिथि एवं वीरगन्ज जेसिजका पूर्व अध्यक्ष निशान्त लामिछानेले शिल्ड तथा मेडल प्रदान गर्नुभएको थियो । वीरगन्ज जेसिजले आयोजना गरेको प्रतियोगिताको यसअघि बल हस्तान्तरण गरेर उदघाटन गर्नुभएको थियो । वीरगन्ज जेसिज २०२१ का अध्यक्ष रञ्जन राउतको अध्यक्षतामा भएको कार्यक्रममा वीरगन्ज जेसिजका संस्थापक एवं वीरगन्ज उद्योग वाणिज्य संघका पूर्व अध्यक्ष गोपाल केडिया, प्रेस सेण्टर नेपाल पर्साका अध्यक्ष नीरज पिठाकोटे लगायतको उपस्थिति रहेको थियो ।
