कर्णाली प्रदेशको मन्त्रीपरिषद पुर्नगठन, एमालेका तीनजना मन्त्रीमा नियुक्त
ट्रिब्यून न्युज
0
14
सुर्खेत । शुक्रवार मात्रै प्रदेशसभा बैठकमा विश्वासको मत लिनु भएका कर्णाली प्रदेशका मुख्यमन्त्री महेन्द्रबहादुर शाहीले मन्त्रीमण्डल पुनर्गठन गर्नु भएको छ । मुख्यमन्त्री शाहीले शनिवार मन्त्रीमण्डल पुनर्गठन गर्नु भएको हो ।
उहाँले शुक्रवार ‘फ्लोर क्रस’ गरेर मुख्यमन्त्रीलाई विश्वासको प्रस्तावमा मतदान गरेका नन्दसिंह बुढालाई भूमि व्यवस्था, कृषि तथा सहकारीमन्त्री, अमरबहादुर थापालाई भौतिक पूर्वाधार विकासमन्त्री र कुर्मराज शाहीलाई उद्योग, पर्यटन, वन तथा वातावरणमन्त्री नियुक्त गर्नु भएको हो ।
यी तीनैजना एमालेका सांसद हुन् । ‘फ्लोर क्रस’ गर्ने तीन जनालाई पार्टी कमिटीका सबै जिम्मेवारीबाट निष्काशन गर्ने एमालेले कर्णाली प्रदेशको कमिटीको शनिवारको बैठकले निर्णय गरेको छ ।
