बाल यौन दुर्व्यहारको आरोपमा युवक पक्राउ
ट्रिब्यून न्युज
0
13
वीरगन्ज, १ जेठ । जिल्ला प्रहरी कार्यालयले बाल यौन दुर्व्यहारको आरोपमा एक २२ बर्षीय युवकलाई पक्राउ गरेको छ । ९ बर्षीय बालिकालाई खेल्दै गरेको अवस्थामा धान दिन्छु भनी प्रलोभन देखाई आफ्नै घरमा बोलाएर करणी गर्ने आशयले यौन दुर्व्यवहार गरेको आरोपमा बीरगञ्ज म.न.पा.वडा नं. २० हरपतगंज बस्ने बर्ष २२ को सरोज चौरसियालेलाई शुक्रबार पक्राउ गरेको जिल्ला प्रहरी कार्यालय पर्साले जनाएको छ ।
यौन दुर्व्यहार गर्न खोजेपछि बालिकाले प्रतिकार गरेर फुत्किएर अभिभावकलाई जानकारी गराएपछि उनका अभिभावकले जिल्ला प्रहरी कार्यालयमा दिएको उजुरीको आधारमा उनलाई पक्राउ गरिएको जिल्ल प्रहरी कार्यालय पर्साले जनाएको छ । पक्राउ परेका चौरसियालाई बाल यौन दुर्व्यवहार सम्बन्धी कसूरमा अनुसन्धान भइरहेको प्रहरीले जनाएको छ ।
