२७ किलो गाँजा सहित एकजना पक्राउ
ट्रिब्यून न्युज
0
8
कृष्णमोहन साह
सेंढवा, १२ साउन । पर्साको पटेर्वा सुगौली गाउँपालिकाबाट गाँजा सहित एकजनालाई प्रहरीले पक्राउ गरेको छ । ईलाका प्रहरी कार्यालय पटेर्वासुगौलिबाट प्रहरी निरीक्षक रामकाजी थापाको नेतृत्वमा गएको गस्ती टोलिले गएरती ९ बजेको समयमा पटेर्वा सुगौली गाउँपालिका वडा नम्बर ४ पटेर्वाको दक्षिणपटि रहेको पोखरीको नजिकबाट दुई वटा बोरामा रहेको लागूऔषध प्रतिबन्धित गाजा २७ किलो सहित एकजना लाई पक्राउ गरेको हो ।
पक्राउ पर्नेमा सोही स्थान बस्ने वर्ष ६० को बासुदेव माझी रहेका छन । गाँजा सहित पक्राउ गरिएको माझीलाई आवश्यक कार्वाहीको लागि जिल्ला प्रहरी कार्यालयमा पठाउने तैयारी भैरहेको प्रहरी निरीक्षक थापाले जानकारी दिनुभयो । पछिल्लो समयमा पर्सामा लागू औषध सहित कारोबारी पक्राउ पर्ने क्रम बढेको छ ।
