एमसीसीको विरोधमा आई. टी. आर्मीको प्रदर्शन
ट्रिब्यून न्युज
0
8
चन्द्रपुर, २५ भदौ । अमेरिकी सहयोग नियोग (मिलेनियम च्यालेन्ज कर्पोरेशन) एमसीसीको विरोधमा आई. टी. आर्मीले प्रदर्शन गरेको छ । राष्ट्रिय स्वाधिनताको रक्षाको लागि एमसीसी सम्झौता खारेजीको माग गर्दै आईटी आर्मी चन्द्रपुर नगरकमिटीका युवाहरुले शुक्रबार महेन्द्र राजमार्गको रौतहटको चन्द्रपुर खण्डमा विरोध प्रदर्शन गरेका हुन् ।
जिल्ला अध्यक्ष नरेश तुराहाको नेतृत्वमा गरिएको विरोध कार्यक्रममा राष्ट्रिय स्वधिनताको रक्षा गर, राष्ट्रघाती एमसीसी फिर्ता गर, देश बेच्न पाईदैन, एमसीसी चाहिदैन जस्ता नारा लगाईएको थियो । तत्कालिन नेकपा माओवादीका प्रभावशाली नेता प्रभु साह नेकपा एमालेलाई समर्थन गरेर गएपछि उनकै निकटका युवाहरुको समूहले आईटी आर्मी गठन गरेको हो ।
अहिले ओलीबाट टाढीएका साहका समर्थक आईटी आर्मीले एमसीसीको विरोध गरेको छ ।
