सशस्त्र प्रहरीले बरामद गरेको चल्ला खाल्डोमा पुरेर नष्ट
ट्रिब्यून न्युज
0
23
वीरगन्ज । सशस्त्र प्रहरीले बरामद गरेको नेपालमा प्रतिबन्धित भारतीय कुखुराको चल्ला नष्ट गरिएको छ । बैशाख १२ गते पर्सा पकाहामैनपुर गाउँपालिका वडा नम्बर–५ लक्ष्मीपुरमा सशस्त्र प्रहरी बल नेपाल नं. २ छिन्नमस्ता बाहिनी मुख्यालय महोत्तरीबाट
खटिएको टोली र सशस्त्र प्रहरी बल नेपाल बोर्डर आउटपोष्ट लहावरथकरीबाट खटिएको संयुक्त टोलीले बरामद गरेको कुखुराको चल्ला खाल्डोमा पुरेर नष्ट गरिएको सशस्त्र प्रहरी बल १३ नम्बर गण हेडक्वाटर पर्साका प्रहरी उपरीक्षक तेज प्रसाद पोखरेलले जानकारी दिनुभयो ।
भारतबाट अबैध रुपमा नेपाल तर्फ ल्याउदै गरेको ३० हजार मूल्य बराबरको ७० वटा १५० केजी प्रतिबन्धित ब्रोईलर कुखुरा नियन्त्रणमा लिएर पशु क्वारेन्टाईनका प्रतिनिधि, पत्रकार, नेपाल प्रहरी, स्थानियबासीहरुको रोहबरमा नष्ट गरिएको सशस्त्र प्रहरी उपरीक्षक पोखरेलले बताउनुभयो ।
