एसीसी प्रिमियर लिगमा आज दुईखेल हुदै
ट्रिब्यून न्युज
वीरगन्ज, ६ बैशाख । एसीसी प्रिमियर लिगमा क्रिकेटमा आज दुई वटा खेल भईरहेका छन् । आज समूह ‘ए’ का ओमान र कतारबीच मुलपानी मैदानमा तथा समूह ‘बी’ का युएई र कुवेतबीच कीर्तिपुरमा मैदानमा खेल जारी रहेको छ ।
अहिले किर्तिपुर क्रिकेट मैदानमा युएई र कुवेतबीच भईरहेको खेलमा युएईले ब्याटिङ गरिरहेको छ । युएईले यो समाचार तयार पार्दासम्म १८.३ ओभर खेल्दै ३ विकेटको क्षतिमा ७० रन बनाएको छ । त्यस्तै मूलपानी क्रिकेट मैदानमा ओमान र कतारबीच भईरहेको अर्को खेलमा कतारले टस जितेर फिल्डिङ रोजेको छ ।
ब्याटिङको निम्तो पाएको ओमानले यो समाचार तयार पार्दासम्म १७.३ ओभरमा तीन विकेट गुमाउदै ७६ रन जोडेको छ । यो प्रतियोगितामा १० देश सहभागी छन् । फाइनलको विजेता टोली एसिया कपका लागि छनोट हुनेछ ।
यस्तै शीर्ष तीनमा रहने टोली एसीसी इमर्जिङ कपका लागि छनोट हुनेछन् । एसीसी प्रिमियर कप क्रिकेटमा नेपालले मलेसियालाई तथा हङकङले सिङ्गापुरलाई हराउँदै विजयी सुरुवात गरेका छन् । एसीया कप आउँदो सेप्टेम्बरमा पाकिस्तानमा हुनेछ ।
