युवालाई रोजगार सृजना गर्न ‘हाम्रो सानो प्रयास’ प्रशिक्षण
ट्रिब्यून न्युज
वीरगन्ज, ११ साउन । रोट्री र रोट्रयाक्ट क्लब अफ वीरगन्ज मेट्रोपोलिसको संयुक्त आयोजना ‘हाम्रो सानो प्रयास’ कार्यक्रम सुरु गरेका छ्न् । स्थानीय समुदायको लागि आधारभूत उद्यमशीलता र सीप प्रशिक्षण युवाहरूको लागि एकदमै लाभदायक हुने रोट्रयाक्ट क्लब अफ वीरगन्ज मेट्रोपोलिसका सामुदायिक सेवा निर्देशक आनन्द साहले बताउनु भयो ।
‘हाम्रो सानो प्रयास’ कार्यक्रममा अहिले २५ देखि ३० जना बिद्यार्थीलाई ग्राफिक डिजाइन र फोटोशप तालिम प्रदान गरि उनीहरुलाई रोजगारको वातावरण मिलाउने रोट्रयाक्ट क्लब अफ वीरगन्ज मेट्रोपोलिसका अध्यक्ष रबिन श्रेष्ठले बताउनु भएको छ।
कार्यक्रम संयोजक आनन्द साहको अध्यक्षतामा भएको कार्यक्रम प्रशिक्षण मूकेश साहले दिनुभएको थियो । कार्यक्रममा रामबिनय यादव, क्लबका पूर्व अध्यक्ष प्रकाश कर्ण, मुकेश साह, आदत, रोनक, सोनु चौरसीया लगायत आईडियल कलेज विद्यार्थीहरुको सहभागिता रहेको थियो ।
