सर्वोच्च अदालतले गरेको फैसलाको स्वागतमा दीप प्रज्जवलन
ट्रिब्यून न्युज
वीरगन्ज, २८ असार । प्रतिनिधिसभा विघटनको विरुद्धमा परेको रिट निवेदनको फैसलाको स्वागतमा संयुक्त विद्यार्थी संगठनले सोमबार पर्सामा दीप प्रज्जवलन गरेको छ । प्रधानमन्त्री केपी ओलीको सिफारिसमा राष्ट्रपति विद्यादेवी भण्डारीले दोश्रो पटक गरेको संसद विघटन असंवैधानिक भएको भन्दै परेको रिटमा सर्वोच्च अदालतको संवैधानिक इजलासले सोमबार संसद विघटन बदरको फैसला गरेको छ ।
सर्वोच्च अदालतले जनताको अधिकार रक्षाका लागि गरेको फैसलाको स्वागत गर्दै संयुक्त विद्यार्थी संगठनले सोमबार वीरगन्जको घण्टाघरमा दीप प्रज्जवलन गरेको हो । नेकपा माओवादी केन्द्र निकट अखिल क्रान्तिकारीका पर्सा संयोजक कबिराज पटेको अध्यक्षतामा भएको दीप प्रज्जवलन
कार्यक्रममा नेकपा युवा नेता अरबिंद सिंह, मनोज चौधरी, युवा संघ नेपालका केन्द्रीय सदस्य तथा पर्सा इन्चार्ज अनिल पटेल, अखिल क्रान्तिकारीका केन्द्रीय सदस्य एवं प्रदेश सहसंयोजकद्वय प्रभाकर गुप्ता र विश्वमणी सुवेदी, केन्द्रीय सदस्य जुवैर आलम, अखिल क्रान्तिकारीका स्वयंसेवक विभाग प्रदेश २ प्रमुख इश्क कुमार, नेविसंघका पूर्व केन्द्रीय सदस्य सुधिर पटेल लगायतले सम्बोधन गरेका थिए । अनेरास्ववियुका पर्सा अध्यक्ष रामबाबु
यादवको संचालनमा भएको कार्यक्रमको स्वागत नेविसंघका कार्यवाहक अध्यक्ष विकेश पटेलले गर्नुभएको थियो । कार्यक्रममा अखिल क्रान्तिकारीका पर्सा सहसंयोजक संदीप विक्रम साह, एहसान अन्सारी, महानगर संयोजक विवेक कुमार साह, सोयव अलि, रामबाबु मण्डल, हिमाल सागर कुवँर, धर्मेन्द्र पटेल, अनेरास्ववियुका रंदिप श्रीवास्तव, युवा संघका पर्सा अध्यक्ष भूपेन्द्र साह लगायतको उपस्थिति रहेको थियो ।
