महानगर प्रमुख सरावगीद्वारा वडाको विकास निर्माणको निरीक्षण
ट्रिब्यून न्युज
वीरगन्ज, २० बैशाख । वीरगन्ज महानगरपालिकाका नगर प्रमुख विजय कुमार सरावगीले माहानगरपालिकाको वडास्तरमा भईरहेको विकास निर्माणको स्थलगत अनुगमन निरीक्षण गर्नुभएको छ । महानगरपालिका र एशियाली विकास बैंक (एडीबी) को संयुक्त बजेटबाट वडा नम्बर १६ नगवामा निर्माण भैरहेको नाला र रोडको आज स्थलगत निरीक्षण गर्नुभएको हो ।
निरीक्षणका क्रममा महानगर प्रमुख सरावगीले कोरोना महामारीको जोखिममा स्वास्थ्य सुरक्षा मापदण्ड अपनाएर निर्माणलाई निरन्तरता दिन निर्देशन दिनुभयो । उहाँले महामारीको जोखिमका कारण स्थानीय प्रशासनले लागू गरेको निषेधाज्ञाले विकास निर्माणमा कुनै असहजता भए आपूmलाई जानकारी गराउन अनुरोध गर्दै गुणस्तरीय निर्माणमा ध्यान दिन आग्रह गर्नुभयो ।
निषेधाज्ञाले स्थानीयहरु घर बाहिर निस्किन नपाउने अवस्था रहेकोले त्यसको मौका छोपेर गुणस्तरहिन काम नगर्न महानगर प्रमुख सरावगीले सचेत गराउनु भयो । अनुगमन निरीक्षणका क्रममा वडा नम्बर १६ का वडा प्रतिनिधि, स्थानीय बुद्धिजीवि लगायतको सहभागिता रहेको थियो ।
