वीरगन्ज युथ एकेडेमी र एनआरटी विजयी
ट्रिब्यून न्युज
वीरगन्ज, १३ चैत । वीरगन्जमा जारी स्व गिरिजाप्रसाद कोइराला स्मृति प्रदेश स्तरीय फुटबल प्रतियोगितामा वीरगन्ज युथ एकेडेमी विजयी भएको छ ।
जिपी फाउन्डेशन मधेस प्रदेशले आयोजना गरेको प्रदेशस्तरीय फूटबल प्रतियोगिताको दोस्रो दिन आईतबार आदर्शनगर रङ्गशालामा भएको खेलमा वीरगंज युथ एकेडेमीले गोर्खा एकेडेमीलाई एक गोल गरेर विजयी भएको हो शनिवारदेखि जारी प्रतियोगिताको हिजो दोस्रो दिन वीरगंज युथ एकेडेमी र गोर्खा युथ एकेडेमीबीच खेल भएको थियो ।
सोमबार बारा–११ र नवबुद्ध युवा क्लब, सप्तरीबीच खेल हुने प्रतिष्ठानका मनोहर साहले बताउनुभयो । यसैगरी सिमरा गोल्डकपको १३ औं संस्करणको दोस्रो क्वार्टर फाइनलमा एनआरटी विजयी भएको छ ।
आईतबार भएको दोस्रो क्वार्टरफाइनलमा वीरगंज युनाइटेडलाई १–० गोलले एनआरटी सेमिफाइनलमा प्रवेश गरेको गोल्डकप आयोजक कमिटीका प्रेस संयोजक सुनील गाउँलेले बताउनुभयो । प्रतियोगिताको पहिलो हाफमा गत वर्षको विजेता एनआरटीका अशोक थापाले पहिलो गोल गरेका थिए । सोही गोल नै निर्णायक साबित भएको थियो ।
