मनोज पटेलको अध्यक्षतामा समाजवादी प्रेस संगठन पर्सा गठन
ट्रिब्यून न्युज
वीरगन्ज, १२ पुस । माधव कुमार नेपाल नेतृत्वको एकीकृत समाजवादी पार्टी निकट पत्रकार संगठन समाजवादी प्रेस संगठन पर्सा गठन गरिएको छ । वीरगन्जको होटल मकालुमा सोमबार आयोजित कार्यक्रममा मनोज कुमार पटेलको अध्यक्षतामा समाजवादी प्रेस संगठन पर्सा गठन गरेको हो ।
नवगठित समितिको उपाध्यक्षमा शम्भु कुमार सुमन, महिला उपाध्यक्ष प्रकृति अधिकारी, सचिव अजय चौरसिया, सहसचिव बिनोद पटेल, अमित अग्रवाल, कोषाध्यक्ष हरिशंकर शर्मा रहेका छन् ।
यस्तै सदस्यहरुमा नरेश सर्राफ, दिपक चौरसिया, रञ्जित चौरसिया, श्याम पासवान, दिपेन्द्र गिरी, आशमहमद अन्सारी, सानु साह, अनुप यादव लगायत चयन हुनु भएको छ ।
यसअघि भएको उदघाटन सत्रमा एकीकृत समाजवादी पार्टीका पोलिटब्यूरो सदस्य रामचन्द्र साह, पर्सा अध्यक्ष बालगोपाल थापा, समाजवादी प्रेस संगठनका केन्द्रीय सदस्य रमेश सुवेदी, वृजलाल पासवान, राघव साह, रेबिन्द्र कार्की लगायतको उपस्थिति रहेको थियो ।
