नृसिंह माविको नयाँ भवनको मेयर सरावगीद्वारा उदघाटन
ट्रिब्यून न्युज
वीरगन्ज, १० बैशाख । वीरगन्ज महानगरपालिका वडा नम्बर १४ पिपरामा रहेको नृसिंह माविको नयाँ भवनको उदघाटन भएको छ । नेपाल सरकार र बिरगंज माहानगरपालिकाको संयुक्त लगानीमा क्षेत्रीय सहरी विकास परियोजना (आरयुडीपी) परियोजनाबाट निर्माण भएको नृसिंह मा.बि. पिपरा मठ बिरगंज १४ को भवन बिहीबार एक कार्यक्रमकोबीच उद्वघाटन वीरगन्ज महानगरपालिकाका नगर प्रमुख विजय कुमार सरावगीले गर्नुभएको हो ।
भवन उदघाटन गर्दै महानगर प्रमुख सरावगीले भौतिक पूर्वाधारको पर्याप्त संरचना निर्माणपछि गुणस्तरीय शिक्षा हुनुपर्नेमा जोड दिनुभयो । उहाँले विद्यालयको भवन निर्माणले मात्रै शैक्षिक विकास नहुने भन्दै शिक्षाको गुणस्तरलाई पनि ध्यान दिनुपर्ने बताउनुभयो । क्षेत्रीय सहर विकास आयोजना अन्तर्गत ६ करोडको लागतमा सानो ठूलो गरी ३३ वटा कोठा रहेको विद्यालयका प्रधानाध्यापक विनोद मेहेताले जानकारी दिनुभयो ।
विद्यालय व्यावस्थापन समितिका अध्यक्ष रामबाबु कुर्मीको अध्यक्षता भएको कार्यक्रममा वीरगन्ज महानगरपालिकाकी उपप्रमुख शान्ति कार्की, स्वास्थ्य तथा सामाजिक महाशाखा प्रमुख अरुण कुमार महतो, विद्यालय व्यावस्थापन समितिका पूर्व अध्यक्ष रामनारायण कुर्मी लगायतको उपस्थिति रहेको थियो ।
