मोटरसाइकल चोरी आरोपमा एक युवक पक्राउ
ट्रिब्यून न्युज
वीरगंज, २५ माघ । वीरगन्जमा मोटरसाईकल चोरहरुको बिगबिगी बढेको छ । मोटरसाइकल हराएको उजुरीहरु धेरै पर्न थालेपछि पर्सा प्रहरीले मोटरसाईकल चोरी गर्ने गिरोहको खोजी गर्ने क्रममा एकजनालाई पक्राउ गरेको छ ।
मोटरसाईकल चोरी गरेर भाग्दै गरेको अवस्थामा पर्सा प्रहरीले एक जनालाई पक्राउ गर्न सफल भएको छ । वीरगन्ज महानगरपालिका वडा नम्बर–१५ स्थित ओम होटल एण्ड पार्टी प्यालेस अगाडी पार्किंग गरेर राखिएको ना.६३ प. ९२७४ नम्बरको कालो रातो रंगको बजाज पल्सर १ सय ५० सिसीको मोटरसाइल चोरी गरेर भाग्दै गरेको अवस्थामा प्रहरीले एक जनालाई नियन्त्रणमा लिएको हो ।
पक्राउ पर्नेमा बारा जिल्ला परवानीपुर गाउँपालिका वडा नं.– ५ बहुअरी निवासी २० वर्षीय साहिल पटेल रहेका छन् । पटेल माथि चोरी सम्बन्धी कसूरमा अनुसन्धान अगाडि बढाइएको पर्सा प्रहरी प्रमुख प्रहरी उपरीक्षक रमेश कुमार बस्नेतले जानकारी दिनुभयो ।
