सशस्त्र प्रहरीले बरामद गरेको २४० केजी गाँजा प्रहरीलाई बुझायो
ट्रिब्यून न्युज
वीरगन्ज, २० साउन । सशस्त्र प्रहरी बल नेपाल १३ नम्बर गण हेडक्वाटरले बरामद गरेको २४० केजी प्रतिबन्धित लागूऔषध गाँजा प्रहरीलाई बुझाएको छ ।
शुक्रबार साँझ ६ः३० बजेको समयमा पर्सा जिल्लाको बहुदरमाई नगरपालिका वडा नम्बर–७ विश्रामपुरबाट बरामद गरेको प्रतिबन्धित गाँजा जिल्ला प्रहरी कार्यालय पर्सामा बुझाएको सशस्त्र प्रहरी १३ नम्बर गण हेडक्वाटरका प्रवक्ता सशस्त्र प्रहरी नायव उपरीक्षक सन्तोष बस्नेतले जानकारी दिनुभयो ।
बिश्रामपुरको छप्कैया स्थित श्री बाल निकेतन ईङ्गलिस बोर्डिङ्ग स्कुलको पूरानो भवन पछाडी झाँडीमा हरियो घाँस र कर्कलोको पातले छोपेर गाँजा लुकाई राखेको विशेष सूचनाको आधारमा सशस्त्र प्रहरी बल नेपाल १३ नम्बर गण हेडक्वार्टरबाट
खटिएको टोलीले प्रतिबन्धित लागूऔषध गाँजा २४० के.जी. बरामद गरि आवश्यक कारबाहिको लागी जिल्ला प्रहरी कार्यालय पर्सामा बुझाईएको प्रवक्ता सशस्त्र प्रहरी नायव उपरीक्षक बस्नेतले बताउनुभयो।
