पर्साको जीराभवानीबाट २० किलो गाँजा बरामद
ट्रिब्यून न्युज
0
14
कृष्णमोहन साह
सेंढवा, ३० असोज । पर्साको जीराभवानी गाउँपालिकाबाट प्रहरीले शनिबारराती प्रतिबन्धित लागू औषध गाँजा बरामद गरेको छ ।
गाँजा ओसार पसार भईरहेको भन्ने विशेष सूचनाको अधारमा प्रहरी चौकी शंकरसरैयाका प्रहरी सहायक निरीक्षक वकिल सिंह यादव र प्रहरी चौकी महादेवपट्टीका प्रहरी सहायक निरीक्षक महेश्वर कुमार पास्वानको नेतृत्वमा गएको संयुक्त प्रहरी गस्ती टोलीले जीराभवानी गाउँपालिका वडा नम्बर ३ जीतपुरबाट शनिबार राति २ बजेको समयमा २० किलो लागू औषध गाँजा बरामद गरेको हो ।
गाँजा तस्करहरुले प्रहरीको गस्ती टोलीलार्इ देख्नासाथ गाँजा फालेर फरार भएकोले पक्राउ गर्न नसकिएको प्रहरीले जनाएको छ । बरामद गरिएको गाँजा आवश्यक कार्वाहीको लागि जिल्ला प्रहरी कार्यालय पर्सामा पठाईने ईलाका प्रहरी कार्यालय पटेर्वा सुगौलीका प्रहरी निरीक्षक किशोर आचार्यले जानकारी दिनुभयो ।
