साढे आठ टन भन्सार छलीको गहुँ सहितको ट्याक्टर प्रहरीद्वारा बरामद
ट्रिब्यून न्युज
बीरगंज, १७ असोज। पर्सा प्रहरीले भन्सार छली चोरी पैठारी गरी ल्याएका एक ट्याक्टर गहुँ बरामद गरेको छ । बुधबार बिहान भारतबाट भन्सार छली चोरी पैठारी गरी नेपाल भित्र्याइर वीरगञ्जतर्फ ल्याउदै गरेको भन्ने गोप्य सूचनाको आधारमा चेकजाँच गर्दा पर्साको वीरगञ्ज महानगरपालिका वडा नं. १९ केहुनिया तिलावे पुलको सडकखण्डबाट बरामद गरेको हो ।
ना.१ ख. ९६४२ नम्बरको ट्याक्टरमा गहु लोड गरी वीरञ्ज ल्याउदै गरेको अवस्थामा ट्याक्टर सहितको केराऊ बरामद गरेको हो । प्रहरी टोलीलाई देख्नासाथ ट्याक्टर चालक भने फरार भएको प्रहरीले जनाएको छ । प्रहरीले ट्याक्टर तथा ट्याक्टर सहित लोड रहेको गहुँको अन्दाजी ८ हजार पाँचसय ६० रुपैया अनुमान गरेको प्रहरीले जनाएको छ ।
५६० केजी अन्दाजी (सात लाख उन्नचालीस हजार छ सय असी ) बराबरको ट्याक्टर र गहु थप अनुसन्धान तथा कारवाहीको वीरगञ्ज भन्सार कार्यालय,पर्सामा बुझाइएको पर्साका प्रहरी प्रवक्त प्रहरी नायव उपरीक्षक कुमार विक्रम थापाले जानकारी दिनुभयो ।
