दोश्रो मेयर रनिङ शिल्ड प्रतियोगितामा साउथ जोन मावि विजयी
ट्रिब्यून न्युज
ट्रिव्यून संवाददाता
वीरगन्ज, २२ फागुन । वीरगन्जमा जारी दोश्रो मेयरकप रनिङ शिल्ड क्रिकेट प्रतियोगितामा हिजो भएको खेलमा साउथ जोन मावि विजयी भएको छ । आदर्शनगर रंगशालामा भएको खेलमा साउथ जोन माविले विद्या सदन माविलाइ २४ रनले पराजित गरेको हो । टस जितेर पहिले ब्यांिटङ गरेको साउथ जोन माविले २० ओभेर खेल्दै ८ विकेटको क्षतिमा १ सय १२ रन बनाएको थियो ।
११३ रनको लक्ष्य लिएर जवाफी व्याटिंग गरेको विद्या सदन माविले १९ ओभर ४ बलमा अलआउट हुदै ८८ रन मात्रै बनाएपछि खेल साउथजोन माविले जितेको हो । हिजोको खेलमा साउथ जोन माविका चन्दन राम म्यान अफ दि म्याच घोषित हुनुभएको वीरगन्ज महानगरपालिकाका खेलकुद निर्देशक प्रकाश शर्माले जानकारी दिनुभयो । प्रतियोगितामा आजको पहिलो खेल जिएचपी मावि र डिआरभि केडीया मावि बिच तथा दोस्रो खेल ओम नेशनल एकेडेमी र माउन्ट मकालु माविबीच हुनेछ ।
