अन्तराष्ट्रिय साक्षरता दिवस र तीजको अवसरमा वीरगन्ज कलेजमा प्रतियोगिता सम्पन्न
ट्रिब्यून न्युज
वीरगन्ज, २३ भदौ । वीरगन्ज कलेजले अन्तरष्ट्रिय साक्षरता दिवसको अवसरमा वक्तृत्वकला प्रतियोगिताको र हरितालिका तीजको अवसरमा महिलाहरुलाई मेहन्दी प्रतियोगिताको आयोजना गरेको छ ।
वीरगन्ज कलेज परिसरमा आयोजित वक्तृत्व प्रतियोगितामा कुमकुम साह प्रथम, सुनिता द्वितीय र रिङ्की यादव तृतीय हुनु भएको छ । इसराफिल आलम र अन्तिमा गुप्ताले सान्त्वना पुरस्कार प्राप्त गर्नुभएको छ । त्यस्तै मेहन्दी)प्रतियोगितामा शुष्मा गुप्ता प्रथम, लक्ष्मी उपाध्याय दोश्रो, र अन्तिमा चौधरी तेश्रो हुनु भएको छ ।
प्रतियोगिताका विजेताहरुलाई कलेजका अध्यक्ष डाक्टर दिपेन्द्र कुमार चौधरी, प्रशासन प्रमुख सुरेश प्रसाद चौधरी, शिक्षक रुदल ठाकुर लगायतले पुरस्कार वितरण गर्नुभएको थियो । डाक्टर दिपेन्द्र कुमार चौधरीको अध्यक्षतामा भएको कार्यक्रममा कलेजका संचालक समिति सदस्यहरु, शिक्षक तथा विद्यार्थीहरुको उपस्थिति रहेको थियो ।
