विश्व आत्महत्या राेकथाम दिवसकै दिन श्रीमान श्रीमती झुन्डिएको अवस्थामा फेला
ट्रिब्यून न्युज
0
8
राैतहट, २४ भदाै । आज सेप्टेम्बर १० तारिक विश्व आत्महत्या राेकथाम दिवस मनाई रहँदा रौतहटमा श्रीमान श्रीमती झुन्डिएको अवस्थामा मृत फेला परेकाे छ ।
राैतहट जिल्लाको बौधिमाइ नगरपालिका–२ इनर्वा टोल बस्ने रामदिनेश पटेल र उनकी श्रीमती गीता कुमारी पटेल झुन्डिएको अवस्थामा मृत फेला परेको प्रहरीले जनाएको छ।
दुबैजना आफ्नै घरको सुत्ने कोठामा झुन्डिएको अवस्थामा शनिबार साँझ फेला परेको रौतहटका प्रहरी प्रवक्ता एवम् प्रहरी नायव उपरीक्षक उमाशंकर यादवले जानकारी दिनुभयाे ।
दुबै जनाको शवलाई नियन्त्रणमा लिइ पोस्टमाटमको लागि जिल्ला अस्पताल, गौरमा पठाइएको तथा घटनाको सम्बन्धमा थप अनुसन्धान जारी रहेको नायव उपरीक्षक यादवले बताउनुभयो ।
