जगरनाथपुरमा फेला परेको नक्कली नोट बारेमा पर्सा प्रहरीको अनुसन्धान जारी
ट्रिब्यून न्युज
0
21
वीरगन्ज, १६ बैशाख । पर्साको जगरनाथपुर गाउँपालिकामा नक्कली नोट फेला परेको छ । शुक्रबार जगरनाथपुरका स्थानीय एक बालकको साथमा तीनवटा हजारको नक्कली नोट फेला परेपछि शनिबार प्रहरीको टोली जगरनाथपुर पुगेर अनुसन्धान गरेको थियो ।
नक्कली नोट फेला परेको जानकारी पाएपछि जिल्ला प्रहरी कार्यालयको टोली, इलाका प्रहरी कार्यालयको टोली जगरनाथपुरमा पुगेर अनुसन्धान गरेको हो । प्रहरीको अनुसन्धानमा थप केही फेला नपरेको प्रहरी स्रोतले जनाएको छ ।
नक्कली नोट लिएका बालकलाई भने अभिभावसँग जिल्ला प्रहरी कार्यालयमा ल्याएर सोधपुछ भईरहेको एक प्रहरी अधिकृतले बताए । नोटको सम्बन्धमा प्रहरीले सुक्ष्म अनुसन्धान गरिरहेको जनाएको छ ।
