बाराको प्रसौनीमा मृत भेटिएका तीनजनाको हत्या भएको प्रहरीको आशंका
ट्रिब्यून न्युज
वीरगन्ज, २६ असोज । बाराको प्रसौनी गाउँपालिका–५ प्रस्टोका घर भएका २५ वर्षीया सुजाता चौधरी र उनका दुई नाबालक छोराछोरी हत्या भएको प्रहरीले आशंका गरेको छ ।
प्रसौनी गाउँपालिकामा आमा र उनका दुईजना छोरा–छोरी मृत अवस्थामा फेला परेको घटनामा अनुसन्धान सुरु गरेको प्रहरीले प्रारम्भिक अनुसन्धानमा हत्याको आशंका गरेको हो ।
प्रसौनी गाउँपालिका–५ प्रस्टोका घर भएका २५ वर्षीया सुजाता चौधरी उनका १६ महिनाका छोरा राजविर चौधरी र ४ वर्षीया छोरी ताहिरा चौधरीको प्रसौनी–७ स्थित डोरा खोला किनारमा शव फेला परेको थियो ।
मृतक तीनै जनाको घाँटीमा हतियारको चोट देखिएको छ । ताहिरा र राजवीरको शव भन्दा करिब ३ सय मिटर पर आमाको शव भेटिएको छ । मृतक सुजाताका पति दिपेन्द्र चौधरी एल एस न्यूरो अस्पतालमा भर्ना भएर उपचाररत छन् ।
प्रारम्भिक अनुसन्धानबाट हत्या भएको आशंका गरिएको अनुसन्धानमा संलग्न प्रहरीले आशंका गरेको छ ।
