माओवादी केन्द्रका नेता बर्षमान पुनको घरमा गोली चलाउने पुनकै नातेदार
ट्रिब्यून न्युज
0
28
वीरगन्ज, २ बैशाख । माओवादी केन्द्रका नेता वर्षमान पुनकी आमा बसेको घरमा गोली चलाउने व्यक्ति पुनकै नातेदारमा पर्ने व्ययक्ति भएको खुलेको छ । राति ९ बजेको घटनापछि १ बजे सूचना प्राप्त भएलगत्तै प्रहरीले गोली चलाउने प्रहरी हवल्दार प्रकाश पुन मगरलाई नियन्त्रणमा लिएको छ ।
उनलाई प्रहरी प्रधान कार्यालय, नक्सालमा राखेर सोधपुछ भइरहेको छ । स्रोतका अनुसार उनी नेता पुनका नातेदारसमेत हुन् । रोल्पामा उनीहरु छिमेकी समेत भएको पुन निकट स्रोतले जनाएको छ । उनी हाल कामु प्रधानन्यायाधीशको अगुवा गाडीमा बस्ने अधिकृत हुन् ।
शुक्रबार राति साढे ९ बजे नेता पुनको दाइको घरमा गोली चल्दा ७० वर्षीया आमा तीर्थमाली पुन घाइते हुनुभएको छ । उहाँको ट्रमा सेन्टरमा उपचार भइरहेको छ । नेता पुन भने उपचारका लागि चीनमा हुनुहुन्छ ।
