खैरो हिरोईन सहित तीनजना पक्राउ ।
ट्रिब्यून न्युज
वीरगन्ज, ११ पुस । यस्तै पर्सा प्रहरीले खैरो हिरोईन सहित तीनजनालाई पक्राउ गरेको छ । पक्राउ पर्नेमा पर्साको बहुदरमाई नगरपालिका वडा नम्बर १ बस्ने वर्ष १९ को हरिओम महतो, मकवानपुर जिल्ला हेटौडा उपमहानगरपालिका वडा नम्बर १० बस्ने वर्ष २६ को प्रमेश्वर साह र वडा नम्बर २५ बस्ने वर्ष २६ को युगेन लामा रहेका छन् ।
शंकास्पद अवस्थामा हिडिरहेका हरिओम महतोलाई नियन्त्रणमा लिएर शरीर खानतलासी गर्दा उनले लगाएको पाइन्टको खल्तीमा लागु औषध खैरो हिरोईन २० ग्राम फेला परेपछि उनलाई नियन्त्रणमा लिएर सोधपुछ गरिएको थियो ।
सोधपुछका क्रममा लागु औषध खरिद गर्ने साह र लामालाई पनि पक्राउ गर्न सफल भएको पर्साका प्रहरी नायव उपरीक्षक दिपक गिरीले जानकारी दिनुभयो ।
महतोले खैरो हिरोईन खरिद गर्ने दुईजना रहेको बयान दिएपछि खटिएको प्रहरी टोलीले खोजतलास गर्ने क्रममा वीरगञ्ज महानगरपालिका वडा नं.१६ बसपार्कबाट थप दुईजनालाई पक्राउ गरेको प्रहरीले जनाएको छ ।
पक्राउ परेका तीनजनालाई लागु औषध सम्बन्धी कसूरमा थप अनुसन्धान भईरहेको जिल्ला प्रहरी कार्यालय पर्साले जनाएको छ ।
