पर्साको जीराभवानीबाट लागूऔषध गाँजा सहित दुईजना पक्राउ
ट्रिब्यून न्युज
0
58
कृष्णमोहन साह
सेंढवा, २५ असोज । पर्साको जीरराभवानी गाउँपालिकाबाट प्रहरीले लागुऔषध गाँजा सहित दुई जनालाई पक्राउ गरेको छ । पक्राउ पर्नेमा पर्साको धोबनी गाउँपालिका वडा नम्बर एक बस्ने वर्ष–४५ को नन्दलाल दास र छिपहरमार्इ गाउँपालिका वडा नम्बर–३ बस्ने वर्ष ३३ को बाघा यादव रहेका छन् ।
उनीहरुलाई ९ किलो गाँजा सहित पक्राउ गरेको हो । ईलाका प्रहरी कार्यालय सेढवा बाट प्रहरी नायव निरीक्षक प्रकाश महतोको नेतृत्वमा गएको गस्ती टोलीले जीराभवानी गाउँपालिका वडा नम्बर १ एक जगतियाबाट बि आर २२ के २१८० नम्बर को मोटरसाइकलमा ठोरी गाउँपालिकाको बिजयबस्तीबाट आउदै गरेका उनीहरुलाई गाँजा सहित पक्राउ गरेको हो ।
गाँजा र मोटरसार्इकल सहित पक्राउ गरिएको दुबै जनालाई थप कार्वाही जिल्ला प्रहरी कार्यालय पर्सामा पठाइएको ईलाका प्रहरी कार्यालय सेंढवाले जनाएको छ ।
