पर्साकाे धाेरेबाट १७३.५ केजी गाँजा बरामद
ट्रिब्यून न्युज
0
4
वीरगन्ज, २७ भदाै । पर्साकाे पकाहमैनपुर गाउँपालिका वडा नम्बर १ धाेरेबाट ठूलाे मात्रामा प्रतिबन्धित लागू ओैषध गाँजा बरामद गरेकाे छ ।
इलाका प्रहरी कार्यालय पाेखरियाका प्रहरी निरीक्षक माेहन बिक्रम केसीकाे नेतृत्वमा खटिएको प्रहरी टाेलीले स्थानीय माधवलाल मेहेताकाे घरमा बुधबार साँझ छापामारी उक्त परिमाणकाे गाँजा बरामद गरेकाे हाे ।
गाँजा राखेकाे सूचनाको आधारमा प्रहरीकाे टाेली गएर खानतलासी गर्दा घरमा लुकाएर राखेकाे अवस्थामा गाँजा बरामद गरिएको इलाका प्रहरी कार्यालय पाेखरियाका प्रहरी निरीक्षक माेहन बिक्रम केसीले जानकारी दिनुभयो ।
गाँजा बरामद भएपनि मान्छे फरार रहेकाेले खाेजी कार्य भइरहेकाे प्रहरी निरीक्षक केसीले बताउनुभयो । बरामद भएको गाँजाकाे बारेमा थप अनुसन्धान कारवाही अगाडि बढाईने प्रहरी निरीक्षक केसीले बताउनुभयो ।
