प्रहरी जवान ५–०४ औं समूहको आधारभूत तालिम शुरु
ट्रिब्यून न्युज
वीरगन्ज, २३ कार्तिक । प्रहरी जवान ५–०४ औँ समूहको तालिम सप्तरीको राजविराजमा शुरु भएको छ । तालिमको मधेस प्रदेश प्रहरी तालिम केन्द्र सम्पर्क कार्यालय राजविराज सप्तरीका समादेशक प्रहरी वरिष्ठ उपरीक्षक रबिन्द्र के.सी.ले उद्घाटन गर्नु भएको छ।
तालिमको उदघाटन गर्दै प्रहरी बरिष्ठ उपरीक्षक केसीले तालिममा अनुशासित भएर सहभागी हुन र तालिम पश्चात संगठनको छवि उच्च राख्नेगरी काम गर्न जवानहरुलाई निर्देशन दिनुभयो । कार्यक्रममा तालिम सम्बन्धि प्रतिबेदन तालिमका तालिम संयोजक केन्द्रका प्रहरी नायव उपरीक्षक नारायण प्रसाद चिमरीयाले प्रस्तुत गर्नु भएको थियो ।
कार्यक्रम संचालन प्रहरी निरीक्षक धिरज कुमार पटेलले गर्नु भएको थियो। प्रमुख अतिथि समादेशक बरिष्ठ प्रहरी उपरीक्षक केसीले कार्यक्रममा उपस्थित प्रहरी कर्मचारीहरु एवम् तालिममा सहभागी २८५ ९पुरूष(२६४,महिला(२१० जना प्रशिक्षार्थी प्रहरी जवानहरुलाई आवश्यक निर्देशन सम्बोधन गर्नुभएको थियो ।
