संविधान दिवसको अवसरमा पशुपति मन्दिरमा सरसफाई
ट्रिब्यून न्युज
0
42
वीरगन्ज, ३ असोज । संविधान दिवसको अवसरमा आईतबार सशस्त्र प्रहरी बल नेपाल १३ गणको नेतृत्वमा वीरगन्ज चिनी कारखाना आवासक्षेत्र भित्र रहेको पशुपति मन्दिर परिसरमा सरसफाई गरिएको छ ।
सशस्त्र प्रहरी नायव उपरीक्षक निर्मल थापाको नेतृवमा, युवा समाज पिपरा र लिंक रोड विकास समितिको सहभागितामा संविधान दिवसको अवसरमा बृहत् सरसफाई गरिएको हो । हरेक शनिबार सरसफाई गर्दै आएको उक्त स्थानमा आज संविधान दिवसको अवसरमा पनि सरसफाई गरिएको युवा समाजका पिपराका अध्यक्ष अनिल पटेलले बताउनुभयो ।
सरसफाई कार्यक्रममा वीरगन्ज चिनी कारखानाका प्रशासकीय अधिकृत अवधकिशोर सिंह, स्थानीय शम्भु चौरसिया, लिंक रोड विकास समिति अधक्ष हरि गौतम, सचिव ऋषिराज सत्याल, राज कुमार पटेल लगयात उपस्थिति रहेको थियो।
