भारतीय ट्रकमा १४३ केजी गाँजा बरामद
ट्रिब्यून न्युज
वीरगन्ज, २५ साउन । सशस्त्र प्रहरी बल नेपाल १३ नम्बर गण हेडक्वाटर पर्साले प्रतिबन्धित गाँजा लोड गरेको भारतीय ट्रक बरामद गरेको छ । वीरगंज महाननगरपालिका वडा नम्बर २४ ड्राईपोर्ट परवानीपुर सडक खण्ड स्थित पवनपुत्र पेट्रोल पम्पदेखि १५० मिटर उत्तर तर्फ बहुअरी चोकमा रोकी राखेको युपी ७५ एम ४०८९ नम्बरको भारतीय मालवाहक ट्रकमा लोड गरिएको प्रतिबन्धित लागू औषध गाँजा बरामद गरेको हो ।
उक्त मालवाहक ट्रकमा प्रतिबन्धित लागुऔषध (गाँजा) लुकाई छिपाई राखेको भन्ने विशेष सुचनाको आधारमा सशस्त्र प्रहरी बल नेपाल १३ नम्बर गण हेडक्वाटरबाट खटिएको सशस्त्र प्रहरीको मोबाईल टोलीले सवारी चालक क्याविन माथिको हुटमा बाकस माथि सामान राख्ने खण्ड बनाई लुकाई छिपाई राखेको १० प्याकेट (१४३.५ के.जि.) प्रतिबन्धित लागुऔषध
(गाँजा) फेला पारेको सशस्त्र प्रहरी पर्साका प्रवक्ता सशस्त्र प्रहरी नायव उपरीक्षक संतोष बस्नेतले जानकारी दिनुभयो । प्रतिबन्धित लागुऔषध (गाँजा) सहित नियन्त्रणमा लिईएको ट्रक आवश्यक कारवाहीको लागि जिल्ला प्रहरी कार्यालय पर्सामा बुझाईएको सशस्त्र प्रहरी नायव उपरीक्षक बस्नेतले बताउनुभयो ।
