वीलविजक भन्दा बढीको सामान सहितको ट्रक नियन्त्रणमा
ट्रिब्यून न्युज
वीरगन्ज, १० असोज । जिल्ला प्रहरी कार्यालय पर्साले विल विजक भन्दा बढीको सामान सहित ट्रक बरामद गरेको छ । वीरगञ्जबाट मोरङतर्फ जाँदै गरेको ना.३ ख. ३९४९ नम्बरको पौने दश बजे राती वीरगञ्ज महानगरपालिका वडा नं.१४ गण्डक स्थित सडकखण्डबाट बरामद गरेको हो ।
बिल विजक भन्दा बढी कस्मेटिक तथा खुद्रा सामानहरू बोकेको माल बाहक ट्रक गईरहेको छ भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले उक्त मालवाहक ट्रकलाई रोकेर जाँच गर्ने क्रममा विल विजक भन्दा बढी मालबस्तुहरू लोड रहेको अन्दाजी ५८ लाख १६ हजार ६२८ मूल्य बराबरको सामान भेटिएको जिल्ला प्रहरी कार्यालय पर्साका प्रवक्त प्रहरी नायव उपरीक्षक कुमार विक्रम थापाले जानकारी दिनुभयो ।
सामान सहित ट्रक थप अनुसन्धान तथा आवश्यक कारवाहीको लागि बुधबार राजश्व अनुसन्धान कार्यालय पथलैया, बारामा बुझाइएको उहाँले बताउनुभयो ।
