फ्रान्स र इंग्ल्याण्डको क्वाटरफाईनलमा भेट पक्का
ट्रिब्यून न्युज
0
7
वीरगन्ज, १९ मंसिर । फिफा विश्वकप फुटबलमा इंग्ल्याण्ड र फ्रान्सले क्वाटरफाईनलका लागि भेट निश्चित गरेको छ । सोमबार राति भएको खेलमा पोल्यान्डलाई हराउँदै फ्रान्स विश्व कप फुटबल २०२२ को क्वाटर फाइनल (अन्तिम ८) पुगेको छ ।
कतारको अल थुमामा स्टेडियममा भएको खेलमा फ्रान्सले पोल्यान्डलाई तीन–एक गोलले हराएको हो । त्यस्तै सेनेगलमाथि प्रभावशाली ३–० को जितसँगै इंग्ल्याण्डले फिफा विश्वकपको क्वाटरफाइनलमा साविक विजेता फ्रान्ससँगको भेट निश्चित गरेको छ ।
विश्वकपका दुई पूर्व विजेताहरुको भेट क्वाटरफाइनलमै हुन लागेको हो । इंग्ल्याण्डले सन् १९६६ यता विश्वकप उपाधि जित्न सकेको छैन । फ्रान्सले सन् १९९८ र चार वर्षअघि विश्वकप उपाधि जितेको थियो । यी दुईले सेमिफाइनल प्रवेशका लागि आगामी आउने शनिबार प्रतिस्पर्धा गर्नेछन् ।
