कटुवा पेस्तोल र चरेश सहित एकजना पक्राउ
ट्रिब्यून न्युज
वीरगन्ज, २२ फागुन । पर्साको छिपहरमाइ गाँउपालिका वडा नम्बर ५ स्थित सिक्टा नदिको पुल नजिकबाट सशस्त्र प्रहरी लागु पदार्थ चरेश सहित कटुवा पेस्तोल र त्यसमा लाग्ने गोली बरामद गरेको छ ।
सशस्त्र प्रहरी निरिक्षक राजेश्वर प्रसाद साहको नेतृत्वमा खटिएको सशस्त्र प्रहरीको गस्ती टोलीले सिक्टापुल नजिक शंकापस्द अवस्थामा हिडिरहेका एक व्याक्तिलाइ रोक्न खोज्दा ती व्याक्तिले आफुसंग रहेको झोला फालेर भागेको र त्यो झोलाबाट चरेशका दुइ वटा प्योकट , एक थान नलकटुवा पेस्तोल र त्यसमा लाग्ने १ राउण्ड गोली बरामद भएको सशस्त्र प्रहरी उपरिक्षक तेजप्रसाद पोखरेलले जानकारी दिनुभयो ।
हतियार सहित पक्राउ परेका उनलाई आवश्यक कारवाहीका लागि इलका प्रहरी कार्यालय पोखरियामा बुझाउन तयारी भईरहेको सशस्त्र प्रहरी उपरीक्षक पोखरेलले बताउनुभयो । यस्तै सशस्त्र प्रहरी बोर्ढर आउट पोष्ट अलौबाट प्रतिबन्धित लागूऔषध सहित एकजना पक्राउ परेका छन् ।
बिओपी अलौको टोलीले वीरगन्ज महानगरपालिका वडा नम्बर १७ अलौं चेकपोष्टमा नियमित चेकजाँच गर्ने क्रममा चितवनको राप्ती नगरपालिका वडा नम्बर ४ का १९ बर्षीय प्रदीप पोख्रेललाई ९ पत्ता नाईट्रोभेट सहित पक्राउ गरेको सशस्त्र प्रहरी १३ नम्बर गण हेडक्वाटरका प्रवत्ता सशस्त्र प्रहरी नायव उपरीक्षक संतोष बस्नेतले जानकारी दिनुभयो ।
