४० किलो गाँजा सहित २ जना पक्राउ
ट्रिब्यून न्युज
वीरगन्ज, १५ असार । पर्सा प्रहरीले ४० किलो गाँजा सहित दुईजनालाई पक्राउ गरेको छ । पक्राउ पर्नेमा मकवानपुर जिल्ला रक्सीराङ गाउँपालिका वडा नम्बर ५ बस्ने वर्ष ३९ को बिरबहादुर प्रजा र सोही स्थान बस्ने वर्ष १९ को सोनालाल प्रजा रहेका छन् ।
मकवानपुरको मनहरी लोथर हुँदै पर्सा राष्ट्रिय निकुञ्जको जङ्गलको बाटो भएर लागू औषध गाँजा तस्करी भइरहेको विशेष सुचनाको अधारमा सोमबार राती ११ बजेको समयमा ईलाका प्रहरी कार्यालय पटेर्वा सुगौलीका प्रहरी निरीक्षक रामकाजी थापाको नेतृत्वमा गएको गस्ती टोलिले पटेर्वा सुगौली गाउँपालिका वडा नम्बर २ गादी स्थित स्वास्थ चौकी नजिकबाट ४० अबैध लागुऔसध गाँजा सहित दुइजनालाइ पक्राउ गरेको हो ।
उनीहरुको साथबाट तीन वटा पोकामा रहेको ४० किलो गाँजा प्रहरीले बरामद भएको प्रहरीले जनाएको छ । गाँजा सहित पक्राउ गरेका उनीहरुलाई आवश्यक कार्वाहीको लागि जिल्ला प्रहरी कार्यालय पर्सामा पठाईएको प्रहरी निरीक्षक थापाले जानकारी दिनुभयो ।
