आज एकैदिन ५२२५ जनाले कोरोना जिते, ९४८३ संक्रमित
ट्रिब्यून न्युज
0
8
बैशाख २८ । नेपालमा अहिलेसम्म ३ लाख १२ १९ जनाले कोरोना जितेका छन् । नेपालमा पछिल्लो २४ घण्टामा ५ हजार २ सय २५ जना कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार मंगलबार देशभरबाट ५२ सय २५ जना संक्रमित कोरोनासँगको लडाई जितेर डिष्चार्ज भएका हुन् ।
डिष्चार्ज हुनेसँगै मन्त्रालयको तथ्यांकअनुसार पछिल्लो २४ घण्टामा कोरोना संक्रमितको दरमा पनि सुधार आएको छ । मृतक संख्या भने ह्वात्तै बढेको मन्त्रालयको तथ्यांकले देखाएको छ । पछिल्लो २४ घण्टामा २ सय २५ जनाको कोरोनाले ज्यान लिएको मन्त्रालयको भनाई छ । यस अवधीमा २१ हजार ३ सय १६ जनाको परीक्षण गर्दा ९ हजार ४ सय ८३ जनामा कोरोना संक्रमण देखिएको छ ।
