चारजना सशस्त्र प्रहरी बरिष्ठ उपरीक्षक डिआईजीमा बढुवा
ट्रिब्यून न्युज
वीरगन्ज, २६ माघ । गृहमन्त्रालयले चारजना सशीत्र प्रहरी उपरीक्षकहरुलाई बढुवा गरेको छ । हिजो बसेको बढुवा समितिले चारजना सशस्त्र प्रहरी उपरीक्षकहरुलाई सशस्त्र प्रहरी नायव महानिरीक्षक (डीआईजी) लाई बढुवा गरेको हो ।
सशस्त्र प्रहरी उपरीक्षक सुरेश कुमार श्रेष्ठ, अञ्जनी कुमार पोखरेल, दिपेन्द्र शाह र पुरुषोत्तम थापालाई सशस्त्र प्रहरी नायव महानिरीक्षक (डिआईजी)मा बढुवा गरेको हो ।
उनीहरुलाई सशस्त्र प्रहरी ऐन, २०७२ को नियमावलीको नियम ३९ को उपनियम (१०) बमोजिम बढुवा गरिएको बढुवा समितिका सदस्य सचिव सशस्त्र प्रहरी अतिरिक्त महानिरीक्षक नारायणदत्त पौडेलले जानकारी दिनुभयो ।
समितिले बढुवा सिफारिसमा चित्त नबुझेका सशस्त्र प्रहरी बरिष्ठ उपरीक्षकहरुले सशस्त्र प्रहरी ऐन, २०७२ को नियमावलीको नियम ५५ मा व्यावस्था भए बमोजिम सात दिन भित्र बढुवा समितिमा उजुरी दिन सकिने पनि जनाएको छ ।
